اسمع نجوم اف ام وطريقة تشغيله على النت

بسم الله الرحمن الرحيم

معندكش راديو .... عندك راديو بس قاعد بره القاهرة ونجوم اف ام مبتجيش عندك

متزعلش قوي كده.... ديه كانت مشكلتي انا كمان ....... بس دلوقتي مفيش مشكلة

خلاص اتحلت دلوقتي تقدر تسمع نجوم اف ام في اي حته

كل المطلوب منك ان يبقي عندك الاتي :-

المكونات

جهاز كمبيوتر - سماعات -ماوس - كيبورد
تكون متصل بالنت

يالا يا سيدي دلوقتي تقدر تسمع الاذاعة دي اون لاين 24 ساعة في اليوم

اضغط علي الرابط ده

http://www.mazika.com/ar/NogoumFM.aspx

هتلاقي صفحة اتفتحت وفيها ميديا بلاير هيشتغل لوحده او اتك علي زرار play

هتشتغل الاذاعة علي طول وتستمع بيها طول مانت قاعد علي الكمبيوتر

دلوقتي حد هيقولي الاذاعة مشتغلتش عندي ويقعد يدعي عليا

مفيش مشكلة لكل مشكلة حل باذن الله

اعمل الاتي بالظبط ادخل علي tools -internet option -connection - lan setting

هتلاقي في اخر الصفحة من تحت proxy sever علم علي use proxy

واكتب في اللي هتتفتح

ADRESS:195.39.170.102

PORT:80

وبعدين اوك ,اوك

واطفي المتصفح وافتحه تاني وادخل الرابط وعيش حياتك

في مشكلة تانية ممكن تظهر لبعض الناس ان هوه لما يجي يشغل الماسنجر ياهوو او ام اس ان

ان الماسنجر مش هيرضي يفتح خالص وهتفتكر ان الايميل بتاعك اتسرق لان لو دخلت علي صفحة الايميل بتاعك

مش هترضي تفتح هي كمان وديه مشكلة كبيرة حيرتني كام يوم لحد ما عرفت الحل الحمد لله

ان انت لما غيرت البروكسي الايميل مش هيفتح خالص والحل بسيط جدااا

انت اول متشغل الراديو وانت معلم علامة صح علي use proxy بعد ميشتغل الراديو شيل علامة الصح من use proxy

وافتح الايميل بتاعك واعمل اي حاجة انت عاوزها وهكذا كل متييجي تفتح الراديو علم علامة صح واول ميشتغل

شيل علامة الصح وكمل اي حاجة انت عاوزها علي النت او العكس افتح ايميلك وبعدين علم صح وشغل الراديو

اعمل اللي يريحك تبع استعمالك للنت

اتمني ردودكم المشجعة لانني تعبت جداا لحد ما لقيت الحل للمشكلة دي

شكراا لحسن استماعكم ويا رب الموضوع يعجبكواا

والسلام عليكم ورحمة الله وبركاته