قصة لكل شاب او فتاة مسلمة ياريت تدخل وتقرئها

[align=center]اخواني الاعزاء واخواتي الكريمات

موضوعنا هو المسلمين الديجيتال ( ازاي يعني ؟ ) يعني المسلم او المسلمة وميعرفش هو ليه مسلم او ايه هي واجبات الاسلام في حياتنا العصرية
اولا انا مش هقول احاديث شريفة او ايات من القران لاني اخاف من الخطأ لاني ليس اهلا بها لكن من الممكن علي اي عضوا ان يستشهد من الاحاديث والقران شرط التأكد
الحلقة الاولى :

اولا : هنبدأ من الصبح بيتاع المسلمين الديجيتال تلاقيه بيبدأ الساعة واحدة او اتنين الظهر يعني مفيش صلاة صبح او ضحي او ظهر يصحي الواحد منا بيدور علي اكله او كوباية شاي خمسينه تعدل الدماغ مهو مهم ضروري ده الواحد سهران لوش الفجر ( طب افتكرت تصليه )......... خلينا في موضوعنا دلوقتي بعد كده هيشوف هيعمل ايه مهو لازم يدور علي خروجه حلوة الواحد يروش فيها .... طيب احنا لسه الظهر مش ناوي تصليه ( ياعم طيب انت مستعجل ليه لسه ســـــــاعة علي العصر ) لما اكل وبعدين نحبس بالشاي ونشوف التليفزيون فيه ايه ( الله يرحم ايام القنوات المحليه كنت علشان تتفرج علي حاجة بتيجي بليل بس ومرة او مرتين في الاسبوع دلوقتي كله ديجيتال ) ماعلينا ها ياعم بتتفرج علي ( اديني بدور علي حاجه حلوة فيلم في اللذيذ ولا ماتش كورة لوا ملقيتش هاجيب قناة الاغاني وامري لله ) ليه هو ده اللي ربنا امرك بيه

المهم اتيج جبت قناة الاغاني ....... ايه يا باشا ده انت بتركز في ايه ربنا يهديك
ياعم انت نسيت الظهر العصر قرب ( ايوة انا عارف بس انا عامل حسابي هصليهم مرة واحدة ) ليه لو صليتهم مرة واحدة هتاخد خصم ركعتين هو ده اللي انت عامل حسابك عليه .............. طب وحساب ربنا
طيب العصر اهو اذن يلا علشان تصلي ( ثواني بس اريح ظهري وهقوم علطول دقبقة )
ريح دقيقة ........... دي مش دقيقة دي بقت ساعة انت ياعم الحاج المغرب قرب قوم
( طيب .... طيب ) تررررررررررررن ....ترررررررررررررن ( ده الموبايل بيرن ) ...... والله بجد..... الوا ايوة ياحبيبتي
هي بقت كده يعني لما الموبايل رن قمت علطول لا حول ولا قوة الا بالله
اما نشوف انت بتقول ايه في الموبايل ( لالالالالا ايه الكلام اللي انت بتقوله ده كده عيني عينك ..... بتقول ايه هتقابلها مين دلوقتي كمان طيب الصلاة يا مؤمن ده المغرب اهوا اذن قولي عامل حسابك كمان علي كده ) اقولك ايه انا عارف انا بعمل ايه لما هرجع هصليهم مرة واحدة بالعشا ...........( كمان بالعشا طب متخليهم اخر الشهر بالمرة )

________________________________

صاحبنا بعد ما خرج تعالي نشوف هيعمل ايه في الخروجه

ايوة ياباشا انت خارج فين النهاردة ( خارج مع الحته بتاعتي في الجنينه اياها )
وايه هي الحته بتاعتك ( يعني البنت بتاعتي دانت غريب ياخي )
انا اسف ياباشا مكانش فيه الكلام ده زمان اعذرني دانا راجل قديم ..... انت خارج لوحدك ( لا كل واحد من اصحابي جي معاه الحته بتاعته ) ليه ناوين تلعبوا صلح ( لا يا خفيف هنلعب عروسه وعريس ) ......... مين !!!!!!!!! عروسه وعريس هي كمان بقت لعبه طيب من غير مأذون ( يا سيدي احنا مش هانعمل حاجة غلط ده هيبقي جواز وبورق كمان ) ورق ايه انا معرفش غير المأذون ( يا سيدي احنا هنكتب ورق هقول فيه انها مراتي واصحابي هيشهدوا علي العقد ) اده ...... ده جواز تيك اواي .... طيب وبعدين هتعملوا ايه ( مفيش بعد كده هنلعب عروسه وعريس ) .........يانهار!!!!!!! عروسه وعريس ازاي كده هيصه ورق وخلاص انت عندك كام سنه ( 20سنه ) وهي ( يعني 17 ونص ) وهتتجوزوا ... ايه الحلاوة دي
دي العمليه بقت سهلة ورقه واصحاب و جنينه .... زي الفل

يلا طيب علشان انا جي معاك اشوف انت بتعمل ايه في الخروجه اللي مش باينلها معالم دي
( ايوة كدة شايف الحلاوة دي هي دي البنات ولا بلاش ) انت ياعم بتبص علي ايه حرام ( ياعم اسنتي دانا لسه في النظرة الاولي ) نظرة الاولي ليه انت قاطع مدة ولا هي بقت بوقت ... ربنا يهديك

_________________________

صاحبنا بعد ما خرج واتجوز وربنا يستر احسن يجيب عيال ويطلع علي الفضائيات
ويبقي مشهور !!!!! زي صاحبنا اياه

المهم ماعلينا ...... علي فكرة دي زي كبر دماغك
صاحبنا في يوم ربنا هداه وصحي بدري علشان يروح الجامعة يكمن يتجنن ويحضر
ركب المترو وعمال يدور علي بنت يبص عليها ( عنده حق الطريق طويل وممل )
نزل الباشا وراح الجامعة
انت مش حتحضر المحاضرات ( ياعم انت عبيط انا احضر انت اتجننت ...ده احنا جايين نروش ونقابل شوية بنات اهو الواحد يسلي نفسه ) ونعم التسلية ...... اتاريك صاحي بدري ومروق نفسك وراشش كلونيا 5 خمسات
ايه البنات دي ايه دول
دي لبست البنطلوان ده ازاي ولا ده بنطلوان رش , ودي كمان متحجبة علي الطريقة الاسبانية ........ هو ده حجاب ....... وبنطلوان ومكياج وحاجة فلة
ايه ياعم فين اصحابك دول !!!!!
(اهم اعرفك توتو وميمي وشوشو وحوحو ).......... دي اسامي ولا القاب
وبعدين انت ازاي بتهزروا كده بالايد والرجل والدراع فرح يعني ( اقولك ايه احنا قاعدين وسط الناس يعني الكل شايفنا ومبنعملش حاجة غلط ) لا عداك العيب وهما كمان مش هيحضروا ( ياعم انت مالك ومال المحاضرات . دي ليها ناسه وبعدين احنا خارجين )
يعني البنت من دول نازله وقايلة انها رايحة تحضر ومقضيها روشنه
ولا صحيح الاب ولا الام اللي توافق علي نزول بنتها بالشكل ده هتفرق معاها تحضر ولا تخرج

وادي حال الجامعة [/align]